مربوط دنیا کیلئے ، ہمیں ایک اصلاح شدہ کثیرالجہتی نقطہ نظر کی ضرورت / راجناتھ سنگھ
سرینگر / سی این آئی // ابھرتے ہوئے چیلنجوں سے نمٹنے اور عالمی امن کو یقینی بنانے کیلئے اقوام متحدہ کے امن عمل میں تعاون دینے والے ممالک کے لیے ایک رہنما اصول کے طور پر مشورے ، تعاون ، ہم آہنگی اور صلاحیت سازی کی وکالت کرتے ہوئے وزیر دفاع راجناتھ سنگھ نے کہا کہ محفوظ مواصلات ، نگرانی کے نظام اور بغیر پائلٹ کے پلیٹ فارم جیسی اختراعات مشن کو محفوظ اور زیادہ موثر بنا سکتی ہیں۔ سی این آئی کے مطابق 14سے 16اکتوبر تک نئی دہلی کے مانیکشا سنٹر میں پہلی بار ہندوستان کی میزبانی میں ہونے والے چیفس کانکلیو کے افتتاحی اجلاس کے دوران اقوام متحدہ کے دستے میں شامل ہونے والے ممالک کی سینئر فوجی قیادت سے خطاب کرتے ہوئے وزیر دفاع راجناتھ سنگھ نے پائیدار امن کارروائیوں کیلئے رکن ممالک ، خاص طور پر جدید تکنیکی اور مالی صلاحیتوں والے ممالک پر زور دیا کہ وہ فوجیوں ، پولیس ، لاجسٹکس ، ٹیکنالوجی اور خصوصی صلاحیتوں کے ذریعے اپنی حمایت میں اضافہ کریں۔ انہوں نے زور دے کر کہا کہ محفوظ مواصلات ، نگرانی کے نظام اور بغیر پائلٹ کے پلیٹ فارم جیسی اختراعات مشن کو محفوظ اور زیادہ موثر بنا سکتی ہیں۔ابھرتے ہوئے چیلنجوں کا مقابلہ کرنے کیلئے بہادری ، موافقت ، فوجی تعاون دینے والے ممالک کی طرف سے اختراع اور متعلقہ سیاسی رہنمائوں، مالی تعاون کرنے والے ممالک ، اور مینڈیٹ کے حصول کے لیے تنازعات کے ماحول کو متاثر کرنے والے دیگر کلیدی فریقین کو شامل کرتے ہوئے، مشن کی سطح پر ایک جامع نقطہ نظر علاوہ بھی اہم اقدامات کی ضرورت ہوتی ہے۔ یہ کارروائیاں اکثر تاخیر سے تعیناتی ، ناکافی وسائل ، اور تنازعات کی بنیادی وجوہات کو حل کرنے کے لیے ناکافی مینڈیٹ کی وجہ سے کم موثر ثابت ہو تی ہیں۔ انہوں نے کہا ’’ہم فرسودہ کثیرالجہتی ڈھانچے کے ساتھ آج کے چیلنجوں سے نہیں لڑ سکتے۔ جامع اصلاحات کے بغیر اقوام متحدہ کو اعتماد سے متعلق بحران کا سامنا ہے۔ انہوں نے کہا کہ مربوط دنیا کے لیے ، ہمیں ایک اصلاح شدہ کثیرالجہتی نقطہ نظر کی ضرورت ہے: جو حقائق کی عکاسی کرتا ہو، تمام فریقین کی آواز ہو ؛ عصری چیلنجوں سے نمٹتا ہو ؛ اور انسانی فلاح و بہبود پر توجہ مرکوز کرتا ہو۔
